༸སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་མཆོག་ནས་དཔལ་ལྡན་སྟོད་རྒྱུད་གྲྭ་ཚང་དུ་ཕུན་སུམ་ཚོགས་པ་ལྔ་ལྡན་གྱི་སྒོ་ནས་ཆོས་ཀྱི་འཁོར་ལོ་བསྐོར་བར་བྱ་བའི་ཚུལ་ནི།
དང་པོ། ཆོས་ཕུན་སུམ་ཚོགས་པ་སྙན་བརྒྱུད་གདམས་པའི་རྒྱལ་པོ་ཟབ་ལམ་བླ་མ་མཆོད་པའི་ཁྲིད་སྙན་བརྒྱུད་མན་ངག་གི་གཏེར་མཛོད་དང་།
དགེ་ལྡན་བཀའ་སྲོལ་ཕྱག་རྒྱ་ཆེན་པོའི་རྩ་འགྲེལ་སོགས་ཚེ་གཅིག་ལ་ཟུང་འཇུག་སྒྲུབ་པའི་ཐབས་ཚང་ལ་མ་ནོར་བའི་གདམས་ངག་གི་སྐོར།
གཉིས་པ། དུས་ཕུན་སུམ་ཚོགས་པ་ཆོ་འཕྲུལ་ཟླ་བའི་མར་ངོའི་ཚེས་ཉེར་ལྔ་སྟེ་མཁའ་འགྲོ་འདུ་བའི་དུས་ཚིགས་ཁྱད་པར་ཅན་གྱི་ཉིན།
གསུམ་པ། སྟོན་པ་ཕུན་སུམ་ཚོགས་པ་གནས་ལྔ་རིག་པའི་པཎྜི་ཏ་ངེས་དོན་གྱི་འདུལ་བ་འཛིན་པ་ཆེན་པོ་༸སྐྱབས་རྗེ་ཟམ་གདོང་རིན་པོ་ཆེ་རྗེ་བཙུན་བློ་བཟང་བསྟན་འཛིན་ཆོས་ཀྱི་རྒྱལ་མཚན་དཔལ་བཟང་པོ་མཆོག་གི་ཞལ་སྔ་ནས།
བཞི་པ། གནས་ཕུན་སུམ་ཚོགས་པ་དཔའ་བོ་དཔའ་མོ་སྤྲིན་ལྟར་འདུ་བའི་ཡུལ་ཛ་ལན་དྷ་རའི་བྱང་ཕྱོགས་སུ་གནས་པའི་
རྒྱུད་ཀྱི་རྒྱལ་པོ་དཔལ་གསང་བ་འདུས་པའི་སྒོམ་གྲྭ་ཆེན་པོ་གསང་ཆེན་དཔལ་ལྡན་སྟོད་རྒྱུད་གྲྭ་ཚང་དུ།
ལྔ་པ། འཁོར་ཕུན་སུམ་ཚོགས་པ་༸སྐྱབས་རྗེ་མཁན་ལས་ཟུར་གྱིས་གཙོ་བོར་བྱས་པའི་དགེ་འདུན་འདུས་པ་རྒྱ་མཚོ་དང་།
དད་ལྡན་ཕྱི་ནང་གི་ཆོས་ཞུ་བ་སྐལ་བ་དང་ལྡན་པའི་རིགས་ཀྱི་བུ་དང་རིགས་ཀྱི་བུ་མོའི་ཚོགས་རྣམས་སོ།།
༧སྐྱབས་རྗེ་རིན་པོ་ཆེའི་མཛད་རྣམ་མདོར་བསྡུས།
གསུང་ཆོས་ཀྱི་དུས་ཚིགས་དང་འབྲེལ་བ་གནང་ཡུལ།
༄༅།། དེ་ཡང་ལོ་ལྟར་འདི་ག་རྒྱུད་སྟོད་གྲྭ་ཚང་ནས་གལ་ཆེའི་དབང་ལུང་མན་ངག་རྣམས་མི་ཉམས་རྒྱུན་འཛིན་ཉམས་པ་སླར་གསོ་དང་།
དེ་བཞིན་དོན་གཉེར་ཅན་མང་དག་ཅིག་ལ་ཕན་ཐོགས་ཡོང་རྒྱུར་དམིགས་ཏེ་གསུང་ཆོས་གོ་སྒྲིག་ཞུས་དང་ཞུ་མུས་ལ།
འདི་ལོ་ཇི་ལྟར་རྒྱུན་རིང་ནས་གསོལ་བ་ཕུར་ཚུགས་སུ་བཏབ་པ་བཞིན་༸སྐྱབས་རྗེ་ཟམ་གདོང་རིན་པོ་ཆེ་རྗེ་བཙུན་བློ་བཟང་བསྟན་འཛིན་ཆོས་ཀྱི་རྒྱལ་མཚན་དཔལ་བཟང་པོ་མཆོག་གི་ཞལ་སྔ་ནས་པཎ་ཆེན་བློ་བཟང་ཆོས་རྒྱན་གྱིས་མཛད་པའི་དགེ་ལྡན་བཀའ་བརྒྱུད་རིན་པོ་ཆེའི་ཕྱག་ཆེན་རྩ་བ་རྒྱལ་བའི་གཞུང་ལམ་དང་། དགེ་ལྡན་བཀའ་བརྒྱུད་རིན་པོ་ཆེའི་བཀའ་སྲོལ་ཕྱག་རྒྱ་ཆེན་པོའི་རྩ་བ་རྒྱས་པར་བཤད་པ་ཡང་གསལ་སྒྲོན་མེ་གཉིས་དང་།
དེ་བཞིན་པཎ་ཆེན་བློ་བཟང་ཆོས་རྒྱན་གྱིས་མཛད་པའི་བླ་མ་མཆོད་པའི་རྩ་གཞུང་དང་། དཀའ་ཆེན་ཡོངས་འཛིན་ཡེ་ཤེས་རྒྱལ་མཚན་གྱིས་མཛད་པའི་བླ་མ་མཆོད་པའི་ཁྲིད་ཡིག་གསང་བའི་གནད་རྣམ་པར་ཕྱེ་བ་སྙན་རྒྱུད་མན་ངག་གི་གཏེར་མཛོད་བཅས་ཀྱི་ཉམས་ཁྲིད་དང་། གཞི་ལམ་འབྲས་གསུམ་ཕྱག་རྒྱ་ཆེན་པོའི་ངོས་འཛིན་ལས་བརྩམས་པའི་ཤེས་རབ་དང་བདག་འཛིན་གཉིས་ཀྱི་གཤགས་འདེབས་ཀྱི་བཤད་ཁྲིད། དབེན་ས་སྙན་བརྒྱུད་ཀྱི་བླ་མའི་རྣལ་འབྱོར་ཐུན་མོང་མ་ཡིན་པ་དང་འབྲེལ་བའི་ཕྱག་ཆེན་གྱི་འཁྲིད་མན་ངག་ཞལ་ཤེས་དང་བཅས་པའི་ཁ་ཆེམས་རླུང་ལ་བསྐུར་བའི་འཕྲིན་ཡིག་གི་ལུང་རྐྱང་བཅས་གནང་རྒྱུའི་ཞལ་བཞེས་སྤྱི་བོའི་གསོས་སུ་སྨིན་སྩོལ་བྱུང་བ་བཞིན་བོད་རྒྱལ་ལོ་
༢༡༤༡ ཟླ་ ༡ ཚེས་
༢༥ ཕྱི་ལོ་ ༢༠༡༤
ཟླ་ ༣ ཚེས་
༢༦ ནས་ཉུང་མཐར་བདུན་ཕྲག་གསུམ་རིང་གནང་གཏན་འཁེལ་ཞིང་།
འབྲེལ་བ་གནང་ཡུལ་དང་གསུང་ཆོས་དུས་ཚོད་གཤམ་བཀོད་ཡོད་པས་དེ་ནས་མཁྱེན་རྟོགས་ཡོང་རྒྱུ། འོན་ཀྱང་ཆོས་ཞུ་བ་རྣམས་ཀྱིས་ངེས་པར་ཐུགས་འཇགས་གནང་དགོས་པ་ཞིག་ནི། གལ་ཏེ་བྱུང་ན་གསང་བདེ་འཇིགས་གསུམ་གྱི་དབང་ཆེན་དང་། དེ་ལྟར་མ་བྱུང་ན་དེ་གསུམ་གང་རུང་ཞིག་གི་དབང་ཆེན་ངེས་པར་ཐོབ་པ་ཞིག་དགོས། དེ་བཞིན་བླ་མཆོད་བདེ་སྟོང་དབྱེར་མེད་མ་ཉིན་བཞིན་ཆག་མེད་ཞལ་འདོན་ངེས་པར་གནང་དགོས་པ་དེ་དོན་དགོངས་འཇགས་ཡོང་བ་ཞུ། དཔལ་ལྡན་རྒྱུད་སྟོད་གྲྭ་ཚང་ནས་ ༢༠༡༣ ཕྱི་ཟླ་ ༡༢ ཚེས་ ༩ ལ།།
དུས་ཚོད།
ཉིན་རྒྱབ་ཚོུད་ ༡ ནས་ ༣ བར་དང་།
སླར་ཡང་ཉིན་རྒྱབ་ཚོུད་ ༣།༣༠ ནས་ ༥།༣༠
འབྲེལ་བ་གནང་ཡུལ་མཚན་དང་ཞལ་དཔར་ཨང་གྲངས།
༡། བསོད་ནམས་ལགས། ༨༦༧༩༧༨༣༧༧༥
༢། སངས་རྒྱས་དོན་གྲུབ་ལགས། ༩༤༡༨༢༦༤༤༠༢
༣། འཇམ་དཔལ་རྒྱ་མཚོ་ལགས། ༩༤༡༨༥༤༢༤༤༤
༤། སྐལ་བཟང་རྒྱ་མཚོ་ལགས། ༨༦༧༩༣༤༣༨༤༣
