སྟོན་པའི་མཛད་རྣམ་མདོར་བསྡུས།
སྟོན་མཆོག་ཐུབ་པའི་དབང་པོ་ནི། ཐུན་མོང་གི་ངོར་སྟོན་པ་ཡང་སྔར་སངས་རྒྱས་འོད་སྲུངས་ཀྱི་དུས་སུ་བྲམ་ཟེ་ཁྱེའུ་བླ་མར་སྤྲུལ་པ་ལས་འཕོས་ཏེ་དགའ་ལྡན་དུ་དམ་པ་ཏོག་དཀར་དུ་སྐྱེ་བ་བཞེས།
འཛམ་བུ་གླིང་དུ་མི་རྣམས་ཚེ་ལོ་བརྒྱ་པའི་དུས་ན། ཡུལ་གྲོང་ཁྱེར་སེར་སྐྱ། རིགས་རྒྱལ་པོའི་རིགས།
རུས་རྒྱལ་པོ་ཟས་གཙང་མ། ཡུམ་སྒྱུ་འཕྲུལ་མའམ་སྒྱུ་མ་ལྷ་མཛེས་དུས་ཚེ་ལོ་བརྒྱ་བ་སྙིགས་མའི་དུས་རྣམས་ལ་གཟིགས་ཏེ།
མི་ཕམ་མགོན་པོ་རྒྱལ་ཚབ་ཏུ་དབང་བསྐུར། དཔྱིད་ཐ་ཆུང་ས་ག་ཉ་བའི་ཚེས་བཅོ་ལྔ་རྒྱུ་སྐར་རྒྱལ་དང་ལྡན་པའི་དུས་སྦྱོར་ལ་དགའ་ལྡན་ནས་འཛམ་བུའི་གླིང་དུ་འཕོ་བར་མཛད་དོ།
། ལྷུམས་སུ་ཞུགས་པའི་མཛད་པ་ནི། ཡུམ་སྒྱུ་འཕྲུལ་ལྷ་མོ་ས་གའི་ཚེས་བཅོ་ལྔའི་ཉིན་གསོ་སྦྱོང་གི་སྡོམ་པ་ལ་ཡང་དག་པར་གནས་པའི་མཚན་མོར་གཟིམ་རྨིས་སུ་གླང་ཆེན་ཐལ་དཀར་མཆེ་བ་དྲུག་དང་ལྡན་པ་ཞིག་ལུས་ལ་ཐིམ་པ་རྨིས་ཤིང་།
དེ་དང་དུས་མཉམ་པར་རྒྱལ་པོ་ཟས་གཙང་མའི་ཁྱིམ་དུ་ལྟས་བཅོ་བརྒྱད་སོགས་ངོ་མཚར་བ་མང་བོ་བྱུང་།
ཡུམ་དེ་ནས་བཟུང་སྟེ་བསམ་གཏན་ལ་སྙོམས་པར་ཞུགས་པ་ལྟ་བུའི་དགའ་བ་དང་བདེ་བ་བཅས་ཏེ་ཟླ་བ་བཅུའི་རིང་སོང།
ཡུམ་སྒྱུ་འཕྲུལ་ལྷ་མོ་ནི་བུད་མེད་ཀྱི་སྐྱོན་ཐམས་ཅད་དང་བྲལ་ཞིང་ཡོན་ཏན་མ་ལུས་པ་དང་ལྡན་པ།
ཁྱད་པར་དུ་བྱང་ཆུབ་སེམས་དཔའ་བསྐྱེད་ཐུབ་པའི་བསོད་ནམས་དང་ཡོན་ཏན་ལ་སོགས་པའི་ཁྱད་པར་མང་པོ་དང་ལྡན་ཞིང་།
སློབ་པའི་གནས་སྐབས་ནས་བཟུང་སྟེ་སངས་རྒྱས་ཀྱི་ཡུམ་བྱེད་པའི་དགེ་བའི་རྩ་བ་ཡོངས་སུ་སྨིན་པ་ཞིག་གོ།
སྐུ་བལྟམས་པའི་མཛད་པ་ནི། བྱང་ཆུབ་སེམས་དཔའ་ལྷུམས་སུ་ཟླ་བ་བཅུ་རྫོགས་ནས་འཁྲུངས་པའི་དུས་དབོ་ཟླའི་ཚེས་བརྒྱད་སྐར་མ་རྒྱལ་གྱི་དུས་ལ་ཡུམ་ལུམྦི་ནཱའི་ཚལ་དུ་གཤེགས་ཏེ་ཕྱག་གཡས་པས་བླག་ཤའི་ཤིང་ལ་འཇུས་པར་གློ་གཡས་པ་ནས་སྐུ་བལྟམས།
དེ་དང་དུས་མཉམ་པར་རབ་གསལ་དང་། རབ་སྣང་། གཟུགས་ཅན་སྙིང་པོ། ཤར་བ་བཅས་འོད་ཟེར་ཕོག་པའི་རྒྱལ་སྲས་བཞི་རང་རང་གི་སར་བཙས་ཤིང་བྱང་ཆུབ་ཀྱི་ཤིང་སྐྱེས།
སྐུ་བལྟམས་མ་ཐག་ཕྱོགས་བཞིར་གོམ་པ་བདུན་བདུན་བོར་བའི་ཤུལ་དུ་པད་མ་རེ་རེ་སྐྱེས་པ་སོགས་ཕུན་སུམ་ཚོགས་པའི་རྟགས་མང་པོ་བྱུང་བས་ཡབ་ཀྱིས་རྒྱལ་བུ་དོན་གྲུབ་ཏུ་མཚན་གསོལ།
སྐྱེ་དགུའི་བདག་མོ་སོགས་མ་མ་བརྒྱད་ཀྱིས་བསྐྱེད་བསྲིངས། དེ་ཡང་སྐུ་བལྟམས་ནས་བཙས་སྟོན་ཉིན་བདུན་གྱི་རིང་དུ་བྱས་ཤིང།
དེ་ནས་བཟུང་ཚེས་བརྒྱད་ལ་ཁྲུས་གསོལ་གྱི་དུས་ཆེན་ནམ་སྐུ་བལྟམས་པའི་དུས་སྟོན་ཚུགས། དགུང་ལོ་བདུན་གྱི་སྟེང་དུ་རྒྱན་ཆ་བཞེས་ཏེ་གཞོན་ནུའི་རོལ་རྩེད་མཛད་པའི་རྣམ་པ་བཙས་མ་ཐག་ནས་བཟུང་སྟེ་སྟོན་པར་མཛད་དོ།
། ཐུན་མོང་གི་རིགས་གནས་ལ་མཁས་པའི་མཛད་པ་ནི་སེམས་དཔའ་ཆེན་པོ་དེ་དགུང་ལོ་བདུན་ནས་བཟུང་སྟེ་བཅུ་དྲུག་བར་ལ་བཟོ་ཡི་གནས་ཀྱིས་བསྡུས་པའི་ཡི་གེའི་རིགས་དྲུག་ཅུ་རྩ་བཞི་དང་།
སྟོབས་དང་སྒྱུ་རྩལ་ལ་སོགས་པ་ཕྱི་ནང་ཐུན་མོང་གི་བསྟན་བཅོས་སྨྲ་བ་དང་། ལུས་ངག་གི་སྒོ་ནས་ལེགས་པར་བྱ་བ་ཇི་སྙེད་དང་།
ལུགས་ཀྱི་བསྟན་བཅོས་དང་འཕྲུལ་གྱི་རིག་པ་སོགས་ལ་བསླབས་ནས་ཁོང་དུ་ཆུད་ཅིང་ལག་ཏུ་བླངས་པས་ལྷས་བྱིན་ལ་སོགས་པའི་་་དྲེགས་པ་ཅན་དང་།
ཤཱཀྱ་གཏུམ་པོ་གཟུ་ལུམ་ཅན་ལ་སོགས་པའི་སྟོབས་ཅན། གནོད་སྦྱིན་ཤཱཀྱ་འཕེལ་ལ་སོགས་པའི་འཇིག་རྟེན་གྱི་མཐུ་དང་ནུས་པ་ཅན་རྣམས་ཀྱི་ཕྱག་བྱ་བའི་གནས་སུ་གྱུར་ཏེ་འཁོར་ལོས་སྒྱུར་བའི་རྒྱལ་པོའི་ཁྱད་པར་གྱི་ཡོན་ཏན་དང་ལྡན་པས་འཇིག་རྟེན་ཐམས་ཅད་ཟིལ་གྱིས་གནོན་པར་མཛད་དོ།
། དགྱེས་རོལ་གྱི་མཛད་པ་ནི། བཙུན་མོའི་འཁོར་ཕུན་སུམ་ཚོགས་པའི་དབུས་སུ་འདོད་པའི་ཡོན་ཏན་གྱི་དཔལ་ལ་འཇིག་རྟེན་དང་མཐུན་པར་ཡོངས་སུ་རོལ་པའི་མཛད་པ་བསྟན།
ཁྱད་པར་དུ་བསོད་ནམས་དང་ཐུགས་བསྐྱེད་ལས་སྨིན་པའི་བཙུན་མོ་གྲགས་འཛིན་མ་ལ་རིགས་འཁྲུལ་བ་མེད་པའི་སྲས་བསྐྲུན་པར་མཛད།
དེ་ལ་གསུང་རབ་རྣམས་སུ་སྨྲ་བའི་ལུགས་གཉིས་བྱུང་སྟེ་ཕལ་ཆེར་གྱིས་དགུང་ལོ་ཉེར་དགུར་ཕེབས་པའི་ཐ་སྐར་ཟླ་བའི་ཉར་སྒྲ་གཅན་འཛིན་གྲགས་འཛིན་མའི་ལྷུམས་སུ་ཞུགས་ཏེ་སྟོན་པ་སངས་རྒྱས་པའི་དུས་སུ་བཙས་པར་བཞེད་ཅིང་།
ཡུམ་གྱི་ལྷུམས་སུ་ལོ་བདུན་བཞུགས་པར་འདོད། ཡང་ལུགས་གཅིག་ལ་བྱང་ཆུབ་སེམས་དཔའ་དགུང་ལོ་ཉེར་དགུ་བའི་སྟེང་སྒྲ་གཅན་འཛིན་འཁྲུངས་ཟིན་ཅིང་།
རབ་ཏུ་བྱུང་བར་ཕེབས་དུས་ཡུམ་སྲས་གཉིས་ཀ་ཁྲི་ལ་གཟིམས་པ་ལ་ཐུགས་འཁྲེང་བཞིན་དུ་ཕེབས་ཚུལ་མཛད་པ་སྟེ་རྒྱ་གར་གྱི་མཛད་ཐང་རྙིང་བ་རྣམས་སུའང་དེ་ལྟར་བྲིས་པ་མང་པར་གསུངས་ལ།
བོད་དུ་ཡང་གཏེར་མའི་ལོ་རྒྱུས་འགའ་ཞིག་ན་འདི་ལྟར་བཞེད་པ་ཡོད། རབ་ཏུ་བྱུང་བའི་མཛད་པ་ནི།
བྱང་ཆུབ་སེམས་དཔའ་དགུང་ལོ་ཉེར་དགུར་ཕེབས་པའི་དུས་ན་གྲོང་ཁྱེར་གྱི་ཕྱི་རོལ་ཏུ་སྤྲོ་གསེང་ལ་ཕེབས་པའི་དུས་རྒས་ཤིང་འཁོགས་པའི་རྒན་པོ་སྙིང་རྗེ་བ་ཞིག་དང་།
ནད་ཀྱིས་གདུངས་ཏེ་ཉམ་ཐག་པ་ཞིག་ཤི་ནས་བེམ་པོ་དུར་ཁྲོད་དུ་འཁྱེར་བ་ཞིག། ། ཚངས་པར་སྤྱོད་པའི་དགེ་སློང་ཞི་ཞིང་དུལ་བ་ཞིག་སྟེ་བཞི་གཟིགས་པས།
ཇི་སྲིད་ཞི་བའི་བདེ་བ་མ་ཐོབ་པ་དེ་སྲིད་དུ་ཐམས་ཅད་ཀྱང་ན་རྒ་འཆི་བའི་སྡུག་བསྔལ་ལས་མི་ལྡོག་པའི་ཚུལ་མཁྱེན་པའི་རྐྱེན་དུ་གྱུར་པ་དང་།
སངས་རྒྱས་རྣམས་ཀྱིས་སིལ་སྙན་གྱི་སྒྲ་ལས་རབ་ཏུ་འབྱུང་བར་བསྐུལ་པ་ལ་བརྟེན་ནས། ཐ་སྐར་ཟླ་བའི་ཉའི་མཚན་མོར་ནམ་ཕྱེད་ན་ཆིབས་པ་རྔོགས་ལྡན་ལ་བཅིབས་ཏེ་ཞབས་འབྲངས་འདུན་པ་དང་བཅས་ཐབས་དང་རྫུ་འཕྲུལ་གྱི་སྒོ་ནས་ཁྱིམ་མེད་པར་རབ་ཏུ་འབྱུང་བའི་གནས་མཆོད་རྟེན་རྣམ་དག་གི་དྲུང་དུ་ཕེབས།
ཉིད་ཀྱི་དབུ་སྐྲ་ཉིད་ཀྱིས་བཅད་དེ་རང་བྱུང་གི་སྒོ་ནས་རབ་ཏུ་བྱུང་བར་མཛད་དོ། ། དཀའ་བ་སྤྱད་པའི་མཛད་པ་ནི།
བྱང་ཆུབ་སེམས་དཔའ་རབ་ཏུ་བྱུང་ནས་ཀྱང་ཡངས་པ་ཅན་དུ་གཤེགས་ཏེ་ཕྱི་རོལ་པའི་སྟོན་པ་རིང་འཕུར་དང་།
རྒྱལ་པོའི་ཁབ་ཏུ་ལྷག་སྦྱོད་གཉིས་ལས་བསམ་གཏན་གྱི་གདམས་ངག་གསན་ཏེ་སྲིད་རྩེའི་སྙོམས་འཇུག་མཐར་ཐུག་པའང་ཚེགས་ཆུང་གིས་གྲུབ།
དེ་ཡང་དེ་ཙམ་གྱིས་རྣམ་གྲོལ་བའི་ལམ་ལྟ་ཅི་འཁོར་བ་འབའ་ཞིག་གི་རྒྱུར་གཟིགས་ཏེ་ཆུ་བོ་ནེེ་རཉྫ་ནཱའི་འགྲམ་དུ་ཉིན་རེར་རྒྱ་ཤུག་གི་འབྲུ་གཅིག་ཙམ་ལས་མི་གསོལ་བ་དང་།
མཁའ་ཁྱབ་ཀྱི་ཏིང་ངེ་འཛིན་ལ་ཞུགས་ཏེ་སྐྱིལ་ཀྲུང་གཅིག་གིས་ལོ་དྲུག་འདས་པར་མཛད་དེ་སྐུ་ལུས་རིད་ཅིང་བསྐམས།
གདོང་ལ་ས་དྲེག་ཆགས་པས་དགེ་སྦྱོང་ནག་པོ་ཞེས་གྲགས་པར་གསུངས་སོ། ། དེ་ཡང་དཀའ་སྤྱད་ཀྱི་ཏིང་ངེ་འཛིན་ལ་དེ་ཙམ་བཞུགས་པས་གཞན་དག་ལ་འཁོར་བ་དང་མྱང་འདས་ཀྱི་དོན་ལ་ངེས་པར་འདྲེན་པར་མཛད་པ་དང་།
དམ་པའི་ཆོས་གཞན་ལས་ཁྱད་པར་དུ་འཕགས་པ་ཤེས་པར་བྱ་བའི་དོན་དུ་བཞེད། སྔོན་ཆད་དཀའ་བ་སྤྱད་ཚུལ་རི་མོར་བཞེངས་པ་ཧ་ཅང་མང་ཞིང་།
འདི་དང་མྱ་ངན་ལས་འདས་པའི་ཚུལ་གྱི་སྐུ་གཟུགས་བཞེངས་པ་ལ་ཕན་ཡོན་ཆེ་བར་གསུངས་སོ། ། བྱང་ཆུབ་སྙིང་པོར་གཤེགས་པའི་མཛད་པ་ནི།
དེ་ཡང་ལུས་ངག་གི་དཀའ་ཐུབ་སྤྱད་པ་ཁོ་ནས་རང་གཞན་གྱི་དོན་མི་འགྲུབ་པར་དགོངས་ཏེ་ཁ་ཟས་རགས་པ་གསོལ་ནས་སྐུའི་སྟོབས་བསྐྱེད།
ཕྱགས་དར་ཁྲོད་ལས་བླངས་བའི་ཆོས་གོས་བཞེས་ཤིང་། བུ་མོ་ལེགས་སྐྱེས་མས་བ་སྟོང་གི་འོ་མ་ལན་བདུན་དུ་ཉིང་ཁུར་བྱས་པའི་འོ་ཐུག་སྦྲང་རྩི་ཅན་ཕུལ་བ་བཞེས་ནས།
སྐུ་ལ་གསེར་གྱི་མདངས་དང་འོད་འདོམ་གང་འཕྲོས་བ་སོགས་མཚན་དང་དཔེ་བྱད་རྣམས་གསལ་རྫོགས་སུ་གྱུར་ཏེ་ལྟ་བས་ཆོག་མི་ཤེས་པར་མཛད་པས་འཇིག་རྟེན་དུའང་དགེ་སྦྱོང་ལེགས་མཛེས་སུ་གྲགས།
དེ་ནས་རྩྭ་འཚོང་བཀྲ་ཤིས་ལས་དུར་བའི་གདན་བཏིང་སྟེ་སངས་རྒྱས་ཀྱི་གོ་འཕང་མ་ཐོབ་ཀྱི་བར་དུ་གདན་དེ་ལས་མི་བསྐྱོད་པར་དམ་བཅས་ནས་གུང་གི་དུས་སྐྱིལ་མོ་ཀྲུང་གིས་འཁོད་པ་ན།
ས་གཞི་ཐམས་ཅད་འཁར་བའི་སྣོད་ལ་སྒྲ་འབྱིན་པ་ལྟར་དབྱངས་སྙན་པོས་འཇིག་རྟེན་ཁྱབ་ཅིང་། ཕྱོགས་བཅུའི་སངས་རྒྱས་ཐམས་ཅད་ཀྱིས་འོད་ཟེར་ཀུན་ཏུ་བཀྲམ་ཞིང་སེམས་ཅན་རྣམས་གཉིད་ལས་སད་པ་ལྟ་བུའི་སྣང་བ་བྱུང་།
བྱ་རྣམས་ཀྱང་སྙན་པ་སྒྲོག་བཞིན་མཁའ་ལ་གཡས་སུ་བསྐོར་པ་སོགས་ངོ་མཚར་བའི་ལྟས་མང་པོ་བྱུང་བ་དང་།
ཐུབ་པ་མཆོག་གིས་སངས་རྒྱས་ཀྱི་ཞིང་མང་པོའི་བཀོད་པ་གཟིགས་པ་དང་བཅས་དྲན་པ་མངོན་དུ་བཞག་ནས་བཞུགས་སོ།
། བདུད་སྡེ་བཅོམ་པའི་མཛད་པ་ནི། བྱང་ཆུབ་སེམས་དཔའ་ཉིད་དེ་ལྟར་བཞུགས་པ་ན་སྲོད་ཀྱི་དུས་བདུད་སྡིག་ཅན་རྣམས་ཤིན་ཏུ་མི་བཟོད་པ་ཆེན་པོར་གྱུར་ནས་བདུད་སྡེའི་ཚོགས་ལྷན་ཅིག་ཏུ་ཚོགས་པ་ལྷགས།
གདུག་པའི་ཁ་རླངས་དང་མཚོན་ཆའི་ཆར་ཕབ་པ་ཐམས་ཅད་བྱང་ཆུབ་སེམས་དཔའི་སྐུ་ལ་རེག་མ་ཐག་མེ་ཏོག་གི་མཆོད་ཚོགས་སུ་གྱུར་པས།
ཁོ་རྣམས་ཀྱི་མཐུ་རྡུགས་པར་གྱུར། སླར་ཡང་བདུད་ཀྱིས་གཡོ་ཅན་བུ་མོ་མཛེས་མ་ལ་སོགས་པའི་སླུ་བྱེད་ཐབས་ཇི་ལྟར་བྱས་ཀྱང་སྐུའི་བ་སྤུ་ཙམ་ཡང་གཡོ་མ་ནུས་ཤིང་།
བདུད་ཀྱི་བུ་མོ་རྣམས་ཞེ་ལོག་པའི་རྒན་མོ་འཇིགས་སུ་རུང་བ་དག་ཏུ་གྱུར། དེ་ལྟར་བྱམས་པའི་ཏིང་ངེ་འཛིན་གྱིས་མཐུས་སྐུའི་གཞོགས་གཡས་པར་མཚོན་གྱིས་གཞོག་པ་དང་།
གཞོགས་གཡོན་པར་ཙན་དན་གྱི་སྡེ་གུས་བྱུགས་པ་མཉམ་པ་ཉིད་དུ་གྱུར་ཏེ་བདུད་ཀྱི་དམག་ཚོགས་ཐམས་ཅད་ནམ་གྱི་སྟོད་འཁོར་དེ་ཉིད་ལ་ཞི་བའི་ཐབས་ཀྱིས་བཏུལ་བར་མཛད་དོ།
། མངོན་པར་སངས་རྒྱས་པའི་མཛད་པ་ནི། དེ་ལྟར་གུང་ལ་བདུད་བཏུལ་ཅིང་བདེན་པ་བཞི་དང་རྟེན་འབྲེལ་ལུགས་འབྱུང་ལྡོག་གིས་ས་དང་ལམ་གྱི་བགྲོད་པ་རིམ་གྱིས་བགྲོད་ནས་ནམ་གྱི་བར་ཆ་སྐྱ་རེངས་འཆར་བའི་དུས་ན་འཕགས་པའི་ཡེ་ཤེས་ཀྱིས་སྟོབས་སྐྱེད་དེ་ཤེས་པར་བྱ་བ་ཐམས་ཅད་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་རིག་པ་གསུམ་ཐོབ་ཛཅིང་།
རྡོ་རྗེ་ལྟ་བུའི་ཏིང་ངེ་འཛིན་གྱིས་སྒྲིབ་གཉིས་ས་བོན་དང་བཅས་པ་ཡང་དག་པར་བཅོམ་ནས་བླ་ན་མེད་པའི་ཡེ་ཤེས་མངོན་དུ་མཛད།
དེ་ནས་སངས་རྒྱས་ཉིད་ཤིང་ཏཱ་ལ་བདུན་སྲིད་ཀྱི་ནམ་མཁར་འཕགས་ཏེ། ཁྱད་པར་ལྔ་ལྡན་གྱི་སྟོང་ཉིད་སེངྒེའི་སྒྲ་ཐོག་མར་བསྒྲགས་པས་ས་རྣམ་པ་དྲུག་ཏུ་གཡོས།
འཇིག་རྟེན་ཐམས་ཅད་བཀྲ་ཤིས་དགེ་ལེགས་སུ་བྱེད་པའི་སངས་རྒྱས་འཇིག་རྟེན་གྱི་རྒྱན་དུ་གྱུར་པ་འགྲོ་བ་སེམས་ཅན་ཐམས་ཅད་ཀྱི་སྐྱབས་མགོན་དང་དཔུང་ཛགཉེན་བླ་ན་མེད་པར་དངོས་སུ་བསྟན།
དེ་ན་བདུན་ཕྲག་བདུན་པ་ལ་ཤིང་སྒྲོལ་རྒྱུའི་དྲུང་དུ་བཞུགས་པས་ཚོང་པ་ག་གོན་དང་བཟང་པོ་གཉིས་ཀྱི་སྦྲང་རྩི་ཕུལ་བ་བསོད་སྙོམས་ཀྱི་ཐོག་ཛམར་རྒྱལ་ཆེན་བཞིས་ཕུལ་བའི་ས་རྡོའི་ལྷུང་བཟེད་བཞི་གཅིག་ཏུ་བྱིན་གྱིས་བརླབས་པར་བཞེས་ཏེ་གསོལ།
གཞན་ལ་ཆོས་སྟོན་པའི་ཐོག་མར་བཀྲ་ཤིས་པའི་ཚིགས་སུ་བཅད་པ་གསུངས་སོ། ། ཆོས་འཁོར་བསྐོར་བའི་མཛད་པ་ནི།
དེ་བཞིན་གཤེགས་པ་ཐུགས་ལས་ཆུང་ངུའི་ཚུལ་མཛད་དེ་བཞུགས་པ་ན། ཚངས་པ་དང་རྒྱ་བྱིན་གཉིས་ཀྱིས་གསེར་གྱི་འཁོར་ལོ་རྩིབས་སྟོང་དང་ལྡན་པ་དང་དུང་དཀར་གཡས་སུ་འཁྱིལ་བ་བཅས་ཕུལ་ཏེ་ཆོས་འཁོར་བསྐོར་བར་གསོལ་བ་བཏབ་པ་ལྟར་ཞལ་གྱིས་བཞེས།
ཝཱ་ར་ཎ་སིར་བསོད་སྙོམས་མཛད་ཅིང་དྲང་སྲོང་ལྷུང་བ་རི་དྭགས་ཀྱི་ནགས་སུ་འཁོར་ལྔ་སྡེ་བཟང་པོ་ཀུན་ཤེས་ཀཽ་ཏི་ནྱ་དང་།
རྟ་ཐུལ། རླངས་པ། མང་ཆེན། བཟང་ལྡན་རྣམས་ཚུར་ཤོག་གིས་བསྙེན་པར་རྫོགས། ཆུ་སྟོད་ཟླ་བའི་ཚེས་བཞི་ཉིན་བཀའ་དང་པོ་བདེན་པ་བཞིའི་ཆོས་འཁོར་བསྐོར་པས་ལྔ་སྡེ་དགྲ་བཅོམ་ཐོབ།
དེ་ནས་བྱ་རྒོད་ཕུང་པོའི་རིར་བཀའ་བར་བ་མཚན་ཉིད་མེད་པའི་ཆོས་འཁོར་དང་། ཡངས་པ་ཅན་དུ་བཀའ་ཐ་མ་ལེགས་པར་རྣམ་པར་ཕྱེ་བའི་ཆོས་འཁོར་བསྐོར་ཏེ།
ཆོས་འཁོར་རིམ་པ་གསུམ་བསྐོར་ནས་སྐུ་ཚེ་མྱ་ངན་འདས་པའི་བར་དུ་དམ་པའི་ཆོས་རྒྱུན་མི་ཆད་པར་གསུངས།
མཆོག་ཟུང་ལ་སོགས་པའི་འཁོར་རྣམ་བཞི་དང་བྱང་ཆུབ་སེམས་དཔའ་བགྲང་ལས་འདས་པ་འབྲས་བུ་བཞི་ལ་བཀོད་པ་དང་།
བྱང་ཆུབ་ཏུ་ལུང་བསྟན་པ། མཉན་ཡོད་ཏུ་ཆོ་འཕྲུལ་བསྟན་ཏེ་མུ་སྟེགས་པ་ཚར་བཅད་པ་དང་། ཡུམ་ཐར་ལམ་ལ་བཀོད་ནས་ལྷ་ལས་བབས་ཤིང་།
གསང་སྔགས་ཀྱི་ཆོས་ཐུན་མིན་རང་རང་གི་གདུལ་བྱ་གྲངས་མེད་པར་བསྟན་ཏེ་ཚེ་གཅིག་ལ་རྡོ་རྗེ་འཆང་གི་གོ་འཕང་མངོན་དུ་བྱེད་པའི་ལམ་བཟང་རྒྱ་ཆེར་སྤེལ་བར་མཛད་དོ།
། མྱ་ངན་ལས་འདས་པའི་མཛད་པ་ནི། སྟོན་པ་ཐུགས་རྗེ་ཅན་ཉིད་དགུང་ལོ་ཉེར་དགུའི་བར་ཁབ་ཏུ་བཞུགས་ཤིང་ལོ་དྲུག་ཏུ་དཀའ་བ་སྤྱད་པ་དང་།
དགུང་ལོ་སོ་ལྔ་པར་སངས་རྒྱས་ཏེ་བརྒྱད་ཅུའི་བར་དབྱར་གནས་པ་བཞི་བཅུ་ཞེ་ལྔ་མཛད། དགུང་ལོ་ངོ་མཐོང་གྱ་གཅིག་གི་སྟེང་།
སྐུའི་འདུ་བྱེད་ནི་བཏང་། འཚོ་བའི་ཡོ་བྱད་ནི་བྱིན་གྱིས་བརླབས་པས་ལྟས་ཆེན་པོ་སྣང་བར་གྱུར།
མཐར་ཆོས་དང་ཆོས་མིན་རྣམ་པར་འབྱེད་པ་ན་མདོ་སྡེ་དང་མཐུན། འདུལ་བ་ལ་སྣང་། ཆོས་ཉིད་དང་མི་འགལ་ན་སྟོན་པའི་བསྟན་པ་ཟུངས་ཤིག་དང་།
སྐུའི་སྟོད་གཡོགས་བསལ་ནས་འཁོར་རྣམས་ལ་སྐུ་བསྟན། ། འདི་ལྟར་འདུས་བྱས་ཐམས་ཅད་ནི་འཇིག་པའི་ཆོས་ཅན་ནོ།
། ཞེས་གསུང་གི་ཐ་མར་འཆི་བ་མི་རྟག་པ་གསུངས་ཏེ་གྲོང་ཁྱེར་རྩྭ་ཅན་གྱི་ཤིང་སཱ་ལ་ཟུང་གི་བར་དུ་ཐ་མའི་གཟིམ་ཁྲི་ལ་སེངྒེ་ཉལ་སྟབས་ཀྱིས་བསམ་གཏན་བཞི་བའི་རབ་མཐའ་ལ་བརྟེན་ནས་མྱ་ངན་ལས་འདས་པའི་ཚུལ་བསྟན།
འཇུ་སྐལ་བཟང་རྒྱ་མཚོ་ཞུ་བས་བསྒྲིགས་པའི་སྨིན་ཐང་དགོན་པའི་མཆོད་རྟེན་བྱང་ཆུབ་ཆེན་མོའི་རྟེན་གསུམ་བཞུགས་བྱང་དཀར་ཆག་ལས་ཁོལ་བསྡུས་བྱས།
༸རྗེ་ཙོང་ཁ་པའི་རྣམ་ཐར་གནད་བསྡུས།
ཤར་རྒྱལ་བ་༸ཙོང་ཁ་པ་ཆེན་མོ་མཆོག་ནི་ཡབ་ད་ར་ཁ་ཆེ་ཀླུ་འབུམ་དགེ་དང་། ཡུམ་ཤིང་མོ་ཨ་ཆོས་ཞེས་བྱ་བ་གཉིས་ཀྱི་སྲས་སུ་རབ་བྱུང་དྲུག་པའི་མེ་བྱ་《༡༣༥༧》ལོར་མདོ་སྨད་ཙོང་ཁའི་ཡུལ་དུ་སྐུ་བལྟམས། དེ་གཉིས་ལ་སྲས་དྲུག་ཡོད་པའི་ནང་ནས་བཞི་པ་དེ་དམ་པ་ཁོང་ཉིད་ལགས། ཁོང་ཉིད་སྐུ་ན་ཆུང་ངུའི་དུས་ནས་བྱིས་པ་གཞན་དང་མི་འདྲ་བར་ཁྱད་དུ་འཕགས་པའི་དམ་པའི་རང་རྟགས་མངའ་བར་རྣམ་ཐར་དད་པའི་འཇུག་ངོགས་སོགས་སུ་གསུངས། དགུང་ལོ་གསུམ་པ་སྟེ། རབ་བྱུང་དྲུག་པའི་ས་ཕག་《༡༣༥༩》ལོར་ཆོས་རྗེ་ཀརྨ་པ་རོལ་པའི་རྡོ་རྗེ་ལས་དགེ་བསྙེན་གྱི་སྡོམ་པ་ཡོངས་སུ་མནོས། མཚན་ལ་ཀུན་དགའ་སྙིང་པོ་ཞེས་བསྩལ། དེ་ནས་དགུང་ལོ་དྲུག་པ་སྟེ། རབ་བྱུང་དྲུག་པའི་ཆུ་སྟག་《༡༣༦༢》ལོར་ཆོས་རྗེ་དོན་གྲུབ་རིན་ཆེན་གྱི་མདུན་ནས་བཅོམ་ལྡན་འདས་འཁོར་ལོ་བདེ་མཆོག་དྲིལ་བུ་པ་དང་། ཀྱེ་རྡོ་རྗེ་དང་ཕྱག་ན་རྡོ་རྗེ་སོགས་ཀྱི་དབང་ཞུས། གསང་མཚན་ལ། དོན་ཡོད་རྡོ་རྗེ་ཞེས་བཏགས། དེ་ནས་དགུང་ལོ་བདུན་པ་སྟེ། རབ་བྱུང་དྲུག་པའི་ཆུ་ཡོས་《༡༣༦༤》ལོར་ཆོས་རྗེ་དོན་གྲུབ་རིན་ཆེན་གྱིས་མཁན་པོ་མཛད། ཏཱ་དཔོན་གཞོན་ནུ་སེང་གེ་ཞེས་གྲགས་པའི་སློབ་མ་《ཀོའུ་བ་ཚང་སྐུ་ཕྲེང་དང་པོ》། གཞོན་ནུ་་བྱང་ཆུབ་ཅེས་བྱ་བས་སློབ་དཔོན་མཛད་དེ། ཚིགས་སྔ་མ་དགེ་ཚུལ་གྱི་སྡོམ་པ་ཡངས་དག་པར་མནོས་ཤིང་། མཚན་ཡང་བློ་བཟང་གྲགས་པའི་དཔལ་ཞེས་བྱ་བར་གསོལ་ཏོ། ཞེས་རྣམ་ཐར་དད་པའི་འཇུག་ངོགས་སུ་གསུངས། དེ་ནས་དགུང་ལོ་བཅུ་དྲུག་པ་སྟེ། རབ་བྱུང་དྲུག་པའི་ཆུ་བྱི་《༡༣༧༢》ལོར་དབུས་སུ་བྱོན་པར་བརྩམས། དགུང་ལོ་བཅུ་བདུན་པ་སྟེ། རབ་བྱུང་དྲུག་པའི་ཆུ་གླང་《༡༣༧༣》་ལོར་མདོ་སྨད་ནས་དབུས་སུ་ལམ་ལ་ཞུགས། དགུང་ལོ་བཅོ་བརྒྱད་པ་སྟེ། རབ་བྱུང་དྲུག་པའི་ཤིང་སྟག་《༡༣༧༤》ལོར་བླ་མ་དམ་པ་བསོད་ནམས་རྒྱལ་མཚན་གྱི་དྲུང་དུ་གསང་སྔགས་ཀྱི་ཆོས་གསན། དགུང་ལོ་བཅུ་དགུ་པ་སྟེ། རབ་བྱུང་དྲུག་པའི་ཤིང་ཡོས་《༡༣༧༥》ལོར་གསང་ཕུ་དང་བདེ་བ་ཅན་སོགས་སུ་གྲྭ་སྐོར་མཛད། དགུང་ལོ་ཉི་ཤུ་པ་སྟེ། རབ་བྱུང་དྲུག་པའི་མེ་འབྲུག་《༡༣༧༦》ལོར་ཆོས་འཁོར་ཐོག་མ་གནང་། དགུང་ལོ་ཉེར་གཉིས་པ་སྟེ། རབ་བྱུང་དྲུག་པའི་ས་སྟ་《༡༣༧༨》ལོར་རྗེ་རེད་མདའ་བ་ལས། མངོན་པ་དང་། རྣམ་འགྲེལ་གསན། དགུང་ལོ་སོ་གཅིག་པ་སྟེ། རབ་བྱུང་བདུན་པའི་མེ་ཡོས་《༡༣༨༧》ལོར་སྤྱན་སྔ་གྲགས་པ་བྱང་ཆུབ་ཀྱི་རྣམ་ཐར་བརྩམས། དགུང་ལོ་སོ་གཉིས་པ་སྟེ། རབ་བྱུང་བདུན་པའི་ས་འབྲུག་《༡༣༨༨》ལོར་ལེགས་བཤད་གསེར་ཕྲེང་བརྩམས། དགུང་ལོ་སོ་བཞི་པ་སྟེ། རབ་བྱུང་བདུན་པའི་ལྕགས་རྟ་《༡༣༩༠》ལོར་བླ་མ་དབུ་མ་པ་བསྟེན། དགུང་ལོ་སོ་དྲུག་པ་སྟེ། རབ་བྱུང་བདུན་པའི་ཆུ་སྤྲེལ་《༡༣༩༢》ལོར་འཇམ་པའི་དབྱངས་ཀྱི་ཞལ་གཟིགས། དགུང་ལོ་སོ་བདུན་པ་སྟེ། རབ་བྱུང་བདུན་པའི་ཆུ་བྱ་《༡༣༩༣》ལོར་འོལ་ཁར་རྫིང་ཕྱིའི་གཙུག་ལག་ཁང་ཞིག་གསོ་མཛད། དགུང་ལོ་སོ་དགུ་པ་སྟེ། རབ་བྱུང་བདུན་པའི་ས་ཕག་《༡༣༩༥》ལོར་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་བསྟེན། དགུང་ལོ་བཞི་བཅུ་པ་སྟེ། རབ་བྱུང་བདུན་པའི་མེ་བྱི་《༡༣༩༦》ལོར་གཉལ་ལུང་སོ་སོར་མི་མཐུན་པ་ཡོད་པ་འདིམ་སྒྲིག་གནང་། དགུང་ལོ་ཞེ་གཅིག་པ་སྟེ། རབ་བྱུང་བདུན་པའི་མེ་གླང་《༡༣༩༧》ལོར་བསྟོད་པ་ལེགས་བཤད་སྙིང་པོ་བྱ་བའམ་རྟེན་འབྲེལ་བསྟོད་པ་བརྩམས། དགུང་ལོ་ཞེ་དྲུག་པ་སྟེ། རབ་བྱུང་བདུན་པའི་ཆུ་རྟ་《༡༤༠༢》ལོར་རྭ་སྒྲེང་དུ་ལམ་རིམ་ཆེན་མོ་བརྩམས། དགུང་ལོ་ཞེ་བདུན་སྟེ། རབ་བྱུང་བདུན་པའི་ཆུ་ལུག་《༡༤༠༣》ལོར་བྱང་སའི་ཚུལ་ཁྲིམས་ལེའུ་དང་བླ་མ་ལྔ་བཅུ་པ། རྩ་ལྟུང་བཅུ་བཞིའི་རྣམ་བཤད་བརྩམས། དགུང་ལོ་ཞེ་དགུ་པ་སྟེ། རབ་བྱུང་བདུན་པའི་ཤིང་བྱ་《༡༤༠༥》ལོར་སྔགས་རིམ་ཆེན་མོ་བརྩམས། དགུང་ལོ་ང་གཅིག་པ་སྟེ། རབ་བྱུང་བདུན་པའི་མེ་ཕག་《༡༤༠༧》ལོར་རྩ་ཤེའི་ཊཱིག་ཆེན་བརྩམས། མཁས་གྲུབ་རྗེ་དང་མཇལ། དེ་ཡང་དྲང་ངེ་ལེགས་བཤད་སྙིང་པོ་དང་། རྩ་ཤེའི་ཊཱིག་ཆེན། ལམ་རིམ་ཆེན་མོའི་སྐབས་ཀྱི་ལྷག་མཐོང་ཆེན་མོ། ལྷག་མཐོང་ཆུང་ངུ་། རྣམ་བཤད་དགོངས་པ་རབ་གསལ་སོགས་ལྔ་ལ་ལྟ་བའི་ལེགས་བཤད་ཆེན་མོ་ལྔ་ཞེས་གྲགས། དགུང་ལོ་ང་གཉིས་པ་སྟེ། རབ་བྱུང་བདུན་པའི་ས་བྱི་《༡༤༠༨》ལོར་དྲང་ངེས་ལེགས་བཤད་སྙིང་པོ་བརྩམས། ལྷ་སའི་གཙུག་ཁང་ལ་ཉམས་གསོ་རྒྱ་ཆེན་མཛད། དགུང་ལོ་ང་གསུམ་པ་སྟེ། རབ་བྱུང་བདུན་པའི་ས་གླང་《༡༤༠༩》ལོར་ལྷ་ལྡན་སྨོན་ལམ་ཆེན་མོ་གསར་འཛུགས་དང་། འབྲོག་རི་བོ་དགའ་ལྡན་ཕྱག་བཏབ། དགུང་ལོ་ང་བཞི་པ་སྟེ། རབ་བྱུང་བདུན་པའི་ལྕགས་སྟགས་《༡༤༡༠》ལོར་བཤད་རྒྱུད་ལྷ་མོ་བཞིས་ཞུས་དང་། ཡེ་ཤེས་རྡོ་རྗེ་ཀུན་ལས་བཏུས་ཀྱི་རྣམ་བཤད་བརྩམས། དགུང་ལོ་ང་ལྔ་པ་སྟེ། རབ་བྱུང་བདུན་པའི་ལྕགས་ཡོས་《༡༤༡༡》ལོར་རིམ་ལྔ་གསལ་སྒྲོན་བརྩམས། དགུང་ལོ་ང་དགུ་པ་སྟེ། རབ་བྱུང་བདུན་པའི་ཤིང་རྟ་《༡༤༡༤》ལོར་ཙོང་ཁ་པ་དང་དགེ་འདུན་གྲུབ་མཇལ། དགུང་ལོ་དྲུག་ཅུ་པ་སྟེ། རབ་བྱུང་བདུན་པའི་ཤིང་ལུག་《༡༤༡༥》ལོར་དགའ་ལྡན་ཡངས་པ་ཅན་བཏབ། ལམ་རིམ་འབྲིང་པོ་བརྩམས། དགུང་ལོ་རེ་གཅིག་པ་སྟེ། རབ་བྱུང་བདུན་པའི་ས་ཁྱི་《༡༤༡༨》ལོར་འགྲེལ་པ་བཞི་སྦྲགས་དང་། རྣམ་བཤད་དགོངས་པ་རབ་གསལ་བརྩམས། དགུང་ལོ་རེ་གཉིས་པ་སྟེ། རབ་བྱུང་བདུན་པའི་མེ་བྱ་《༡༤༡༧》ལོར་ཡངས་པ་ཅན་གྱི་རྟེན་རྣམས་བཞེངས། དགུང་ལོ་རེ་གསུམ་པ་སྟེ། རབ་བྱུང་བདུན་པའི་ས་ཁྱི《༡༤༡༩》ལོར་སྐུ་ཞི་བར་གཤེགས། དེ་ཡང་ཁོང་ཉིད་སྐུ་ཞི་བར་གཤེགས་སྐབས། གདུལ་བྱ་སོ་སོའི་སྣང་ངོར་ངོ་མཚར་བའི་རྟགས་སྣ་ཚོགས་མཇལ་ཏེ། རྣམ་ཐར་དད་པའི་འཇུག་ངོགས་སུ། ཁ་ཅིག་ནི་སྐུའི་འོད་དམར་སེར་དུ་སྣང་ངོ་ཞེས་དང་། ཁ་ཅིག་ནི་དཀར་སེར་དུ་སྣང་ངོ་ཞེས་ཟེར། ཁ་ཅིག་ནི་གསེར་གཙོ་མ་ལྟ་བུར་སྣང་ངོ་ཞེས་སོགས་ངོ་མཚར་བའི་རྟགས་མང་པོ་བྱུང་མོད། མདོར་བསྡུས་ན། ཡང་རྣམ་ཐར་དད་པའི་འཇུག་ངོགས་སུ། འོན་ཀྱང་དེའི་རྒྱུ་མཚན་ནི་འདི་ཡིན་པར་འཁུམས་ཏེ། བཅོམ་ལྡན་འདས་ཀྱི་གསུང་རབ་དག་ལས། གང་གི་རྒྱུད་ལ་མཐོང་བའི་ལམ་སྐྱེས་པ་དང་། དགྲ་བཅོམ་པ་མངོན་དུ་བྱས་པ་ལ་སོགས་པའི་སྒོ་ནས་བདུད་རྩི་ཐོབ་པར་གྱུར་པ་ན༑དབང་པོ་ཡོངས་སུ་གསལ་ཞིང་། བཞིན་གྱི་མདོག་ནི་དག་ལ། པགས་པའི་མདོག་ནི་དཀར་བ་ལ་སོགས་པའི་ལུས་ཀྱི་མདངས་སྔར་ལས་གནས་གྱུར་པ་འབྱུང་བ་དུ་མ་ཞིག་གསུངས་ཏེ། དེ་བས་ན་རྗེ་འདི་ཡང་དེའི་ཚེ་འོད་གསལ་དོན་དམ་པའི་བདེན་པ་མངོན་དུ་མཛད་དེ། འཆི་བ་ཆོས་ཀྱི་སྐུར་བསྒྱུར་བའི་སྒོ་ནས་བར་དོ་སྒྱུ་མའི་སྐུར་བཞེངས་ཏེ། བར་དོར་ལོངས་སྤྱོད་རྫོགས་པའི་སྐུ་མཆོག་གི་དངོས་གྲུབ་ཀྱི་གོ་འཕང་མཐར་ཐུག་པ་མངོན་དུ་མཛད་པ་ཡིན་པར་གདོན་མི་ཟ་བས། དེའི་ངོ་མཚར་བའི་ལྟས་ཡིན་པར་ཤེས་པར་བྱོས་ཤིག། ཅེས་གསུངས་པ་ལྟར་ལགས་སོ། །
ཤར་རྒྱལ་བ་༸ཙོང་ཁ་པ་ཆེན་མོ་མཆོག་ནི་ཡབ་ད་ར་ཁ་ཆེ་ཀླུ་འབུམ་དགེ་དང་། ཡུམ་ཤིང་མོ་ཨ་ཆོས་ཞེས་བྱ་བ་གཉིས་ཀྱི་སྲས་སུ་རབ་བྱུང་དྲུག་པའི་མེ་བྱ་《༡༣༥༧》ལོར་མདོ་སྨད་ཙོང་ཁའི་ཡུལ་དུ་སྐུ་བལྟམས། དེ་གཉིས་ལ་སྲས་དྲུག་ཡོད་པའི་ནང་ནས་བཞི་པ་དེ་དམ་པ་ཁོང་ཉིད་ལགས། ཁོང་ཉིད་སྐུ་ན་ཆུང་ངུའི་དུས་ནས་བྱིས་པ་གཞན་དང་མི་འདྲ་བར་ཁྱད་དུ་འཕགས་པའི་དམ་པའི་རང་རྟགས་མངའ་བར་རྣམ་ཐར་དད་པའི་འཇུག་ངོགས་སོགས་སུ་གསུངས། དགུང་ལོ་གསུམ་པ་སྟེ། རབ་བྱུང་དྲུག་པའི་ས་ཕག་《༡༣༥༩》ལོར་ཆོས་རྗེ་ཀརྨ་པ་རོལ་པའི་རྡོ་རྗེ་ལས་དགེ་བསྙེན་གྱི་སྡོམ་པ་ཡོངས་སུ་མནོས། མཚན་ལ་ཀུན་དགའ་སྙིང་པོ་ཞེས་བསྩལ། དེ་ནས་དགུང་ལོ་དྲུག་པ་སྟེ། རབ་བྱུང་དྲུག་པའི་ཆུ་སྟག་《༡༣༦༢》ལོར་ཆོས་རྗེ་དོན་གྲུབ་རིན་ཆེན་གྱི་མདུན་ནས་བཅོམ་ལྡན་འདས་འཁོར་ལོ་བདེ་མཆོག་དྲིལ་བུ་པ་དང་། ཀྱེ་རྡོ་རྗེ་དང་ཕྱག་ན་རྡོ་རྗེ་སོགས་ཀྱི་དབང་ཞུས། གསང་མཚན་ལ། དོན་ཡོད་རྡོ་རྗེ་ཞེས་བཏགས། དེ་ནས་དགུང་ལོ་བདུན་པ་སྟེ། རབ་བྱུང་དྲུག་པའི་ཆུ་ཡོས་《༡༣༦༤》ལོར་ཆོས་རྗེ་དོན་གྲུབ་རིན་ཆེན་གྱིས་མཁན་པོ་མཛད། ཏཱ་དཔོན་གཞོན་ནུ་སེང་གེ་ཞེས་གྲགས་པའི་སློབ་མ་《ཀོའུ་བ་ཚང་སྐུ་ཕྲེང་དང་པོ》། གཞོན་ནུ་་བྱང་ཆུབ་ཅེས་བྱ་བས་སློབ་དཔོན་མཛད་དེ། ཚིགས་སྔ་མ་དགེ་ཚུལ་གྱི་སྡོམ་པ་ཡངས་དག་པར་མནོས་ཤིང་། མཚན་ཡང་བློ་བཟང་གྲགས་པའི་དཔལ་ཞེས་བྱ་བར་གསོལ་ཏོ། ཞེས་རྣམ་ཐར་དད་པའི་འཇུག་ངོགས་སུ་གསུངས། དེ་ནས་དགུང་ལོ་བཅུ་དྲུག་པ་སྟེ། རབ་བྱུང་དྲུག་པའི་ཆུ་བྱི་《༡༣༧༢》ལོར་དབུས་སུ་བྱོན་པར་བརྩམས། དགུང་ལོ་བཅུ་བདུན་པ་སྟེ། རབ་བྱུང་དྲུག་པའི་ཆུ་གླང་《༡༣༧༣》་ལོར་མདོ་སྨད་ནས་དབུས་སུ་ལམ་ལ་ཞུགས། དགུང་ལོ་བཅོ་བརྒྱད་པ་སྟེ། རབ་བྱུང་དྲུག་པའི་ཤིང་སྟག་《༡༣༧༤》ལོར་བླ་མ་དམ་པ་བསོད་ནམས་རྒྱལ་མཚན་གྱི་དྲུང་དུ་གསང་སྔགས་ཀྱི་ཆོས་གསན། དགུང་ལོ་བཅུ་དགུ་པ་སྟེ། རབ་བྱུང་དྲུག་པའི་ཤིང་ཡོས་《༡༣༧༥》ལོར་གསང་ཕུ་དང་བདེ་བ་ཅན་སོགས་སུ་གྲྭ་སྐོར་མཛད། དགུང་ལོ་ཉི་ཤུ་པ་སྟེ། རབ་བྱུང་དྲུག་པའི་མེ་འབྲུག་《༡༣༧༦》ལོར་ཆོས་འཁོར་ཐོག་མ་གནང་། དགུང་ལོ་ཉེར་གཉིས་པ་སྟེ། རབ་བྱུང་དྲུག་པའི་ས་སྟ་《༡༣༧༨》ལོར་རྗེ་རེད་མདའ་བ་ལས། མངོན་པ་དང་། རྣམ་འགྲེལ་གསན། དགུང་ལོ་སོ་གཅིག་པ་སྟེ། རབ་བྱུང་བདུན་པའི་མེ་ཡོས་《༡༣༨༧》ལོར་སྤྱན་སྔ་གྲགས་པ་བྱང་ཆུབ་ཀྱི་རྣམ་ཐར་བརྩམས། དགུང་ལོ་སོ་གཉིས་པ་སྟེ། རབ་བྱུང་བདུན་པའི་ས་འབྲུག་《༡༣༨༨》ལོར་ལེགས་བཤད་གསེར་ཕྲེང་བརྩམས། དགུང་ལོ་སོ་བཞི་པ་སྟེ། རབ་བྱུང་བདུན་པའི་ལྕགས་རྟ་《༡༣༩༠》ལོར་བླ་མ་དབུ་མ་པ་བསྟེན། དགུང་ལོ་སོ་དྲུག་པ་སྟེ། རབ་བྱུང་བདུན་པའི་ཆུ་སྤྲེལ་《༡༣༩༢》ལོར་འཇམ་པའི་དབྱངས་ཀྱི་ཞལ་གཟིགས། དགུང་ལོ་སོ་བདུན་པ་སྟེ། རབ་བྱུང་བདུན་པའི་ཆུ་བྱ་《༡༣༩༣》ལོར་འོལ་ཁར་རྫིང་ཕྱིའི་གཙུག་ལག་ཁང་ཞིག་གསོ་མཛད། དགུང་ལོ་སོ་དགུ་པ་སྟེ། རབ་བྱུང་བདུན་པའི་ས་ཕག་《༡༣༩༥》ལོར་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་བསྟེན། དགུང་ལོ་བཞི་བཅུ་པ་སྟེ། རབ་བྱུང་བདུན་པའི་མེ་བྱི་《༡༣༩༦》ལོར་གཉལ་ལུང་སོ་སོར་མི་མཐུན་པ་ཡོད་པ་འདིམ་སྒྲིག་གནང་། དགུང་ལོ་ཞེ་གཅིག་པ་སྟེ། རབ་བྱུང་བདུན་པའི་མེ་གླང་《༡༣༩༧》ལོར་བསྟོད་པ་ལེགས་བཤད་སྙིང་པོ་བྱ་བའམ་རྟེན་འབྲེལ་བསྟོད་པ་བརྩམས། དགུང་ལོ་ཞེ་དྲུག་པ་སྟེ། རབ་བྱུང་བདུན་པའི་ཆུ་རྟ་《༡༤༠༢》ལོར་རྭ་སྒྲེང་དུ་ལམ་རིམ་ཆེན་མོ་བརྩམས། དགུང་ལོ་ཞེ་བདུན་སྟེ། རབ་བྱུང་བདུན་པའི་ཆུ་ལུག་《༡༤༠༣》ལོར་བྱང་སའི་ཚུལ་ཁྲིམས་ལེའུ་དང་བླ་མ་ལྔ་བཅུ་པ། རྩ་ལྟུང་བཅུ་བཞིའི་རྣམ་བཤད་བརྩམས། དགུང་ལོ་ཞེ་དགུ་པ་སྟེ། རབ་བྱུང་བདུན་པའི་ཤིང་བྱ་《༡༤༠༥》ལོར་སྔགས་རིམ་ཆེན་མོ་བརྩམས། དགུང་ལོ་ང་གཅིག་པ་སྟེ། རབ་བྱུང་བདུན་པའི་མེ་ཕག་《༡༤༠༧》ལོར་རྩ་ཤེའི་ཊཱིག་ཆེན་བརྩམས། མཁས་གྲུབ་རྗེ་དང་མཇལ། དེ་ཡང་དྲང་ངེ་ལེགས་བཤད་སྙིང་པོ་དང་། རྩ་ཤེའི་ཊཱིག་ཆེན། ལམ་རིམ་ཆེན་མོའི་སྐབས་ཀྱི་ལྷག་མཐོང་ཆེན་མོ། ལྷག་མཐོང་ཆུང་ངུ་། རྣམ་བཤད་དགོངས་པ་རབ་གསལ་སོགས་ལྔ་ལ་ལྟ་བའི་ལེགས་བཤད་ཆེན་མོ་ལྔ་ཞེས་གྲགས། དགུང་ལོ་ང་གཉིས་པ་སྟེ། རབ་བྱུང་བདུན་པའི་ས་བྱི་《༡༤༠༨》ལོར་དྲང་ངེས་ལེགས་བཤད་སྙིང་པོ་བརྩམས། ལྷ་སའི་གཙུག་ཁང་ལ་ཉམས་གསོ་རྒྱ་ཆེན་མཛད། དགུང་ལོ་ང་གསུམ་པ་སྟེ། རབ་བྱུང་བདུན་པའི་ས་གླང་《༡༤༠༩》ལོར་ལྷ་ལྡན་སྨོན་ལམ་ཆེན་མོ་གསར་འཛུགས་དང་། འབྲོག་རི་བོ་དགའ་ལྡན་ཕྱག་བཏབ། དགུང་ལོ་ང་བཞི་པ་སྟེ། རབ་བྱུང་བདུན་པའི་ལྕགས་སྟགས་《༡༤༡༠》ལོར་བཤད་རྒྱུད་ལྷ་མོ་བཞིས་ཞུས་དང་། ཡེ་ཤེས་རྡོ་རྗེ་ཀུན་ལས་བཏུས་ཀྱི་རྣམ་བཤད་བརྩམས། དགུང་ལོ་ང་ལྔ་པ་སྟེ། རབ་བྱུང་བདུན་པའི་ལྕགས་ཡོས་《༡༤༡༡》ལོར་རིམ་ལྔ་གསལ་སྒྲོན་བརྩམས། དགུང་ལོ་ང་དགུ་པ་སྟེ། རབ་བྱུང་བདུན་པའི་ཤིང་རྟ་《༡༤༡༤》ལོར་ཙོང་ཁ་པ་དང་དགེ་འདུན་གྲུབ་མཇལ། དགུང་ལོ་དྲུག་ཅུ་པ་སྟེ། རབ་བྱུང་བདུན་པའི་ཤིང་ལུག་《༡༤༡༥》ལོར་དགའ་ལྡན་ཡངས་པ་ཅན་བཏབ། ལམ་རིམ་འབྲིང་པོ་བརྩམས། དགུང་ལོ་རེ་གཅིག་པ་སྟེ། རབ་བྱུང་བདུན་པའི་ས་ཁྱི་《༡༤༡༨》ལོར་འགྲེལ་པ་བཞི་སྦྲགས་དང་། རྣམ་བཤད་དགོངས་པ་རབ་གསལ་བརྩམས། དགུང་ལོ་རེ་གཉིས་པ་སྟེ། རབ་བྱུང་བདུན་པའི་མེ་བྱ་《༡༤༡༧》ལོར་ཡངས་པ་ཅན་གྱི་རྟེན་རྣམས་བཞེངས། དགུང་ལོ་རེ་གསུམ་པ་སྟེ། རབ་བྱུང་བདུན་པའི་ས་ཁྱི《༡༤༡༩》ལོར་སྐུ་ཞི་བར་གཤེགས། དེ་ཡང་ཁོང་ཉིད་སྐུ་ཞི་བར་གཤེགས་སྐབས། གདུལ་བྱ་སོ་སོའི་སྣང་ངོར་ངོ་མཚར་བའི་རྟགས་སྣ་ཚོགས་མཇལ་ཏེ། རྣམ་ཐར་དད་པའི་འཇུག་ངོགས་སུ། ཁ་ཅིག་ནི་སྐུའི་འོད་དམར་སེར་དུ་སྣང་ངོ་ཞེས་དང་། ཁ་ཅིག་ནི་དཀར་སེར་དུ་སྣང་ངོ་ཞེས་ཟེར། ཁ་ཅིག་ནི་གསེར་གཙོ་མ་ལྟ་བུར་སྣང་ངོ་ཞེས་སོགས་ངོ་མཚར་བའི་རྟགས་མང་པོ་བྱུང་མོད། མདོར་བསྡུས་ན། ཡང་རྣམ་ཐར་དད་པའི་འཇུག་ངོགས་སུ། འོན་ཀྱང་དེའི་རྒྱུ་མཚན་ནི་འདི་ཡིན་པར་འཁུམས་ཏེ། བཅོམ་ལྡན་འདས་ཀྱི་གསུང་རབ་དག་ལས། གང་གི་རྒྱུད་ལ་མཐོང་བའི་ལམ་སྐྱེས་པ་དང་། དགྲ་བཅོམ་པ་མངོན་དུ་བྱས་པ་ལ་སོགས་པའི་སྒོ་ནས་བདུད་རྩི་ཐོབ་པར་གྱུར་པ་ན༑དབང་པོ་ཡོངས་སུ་གསལ་ཞིང་། བཞིན་གྱི་མདོག་ནི་དག་ལ། པགས་པའི་མདོག་ནི་དཀར་བ་ལ་སོགས་པའི་ལུས་ཀྱི་མདངས་སྔར་ལས་གནས་གྱུར་པ་འབྱུང་བ་དུ་མ་ཞིག་གསུངས་ཏེ། དེ་བས་ན་རྗེ་འདི་ཡང་དེའི་ཚེ་འོད་གསལ་དོན་དམ་པའི་བདེན་པ་མངོན་དུ་མཛད་དེ། འཆི་བ་ཆོས་ཀྱི་སྐུར་བསྒྱུར་བའི་སྒོ་ནས་བར་དོ་སྒྱུ་མའི་སྐུར་བཞེངས་ཏེ། བར་དོར་ལོངས་སྤྱོད་རྫོགས་པའི་སྐུ་མཆོག་གི་དངོས་གྲུབ་ཀྱི་གོ་འཕང་མཐར་ཐུག་པ་མངོན་དུ་མཛད་པ་ཡིན་པར་གདོན་མི་ཟ་བས། དེའི་ངོ་མཚར་བའི་ལྟས་ཡིན་པར་ཤེས་པར་བྱོས་ཤིག། ཅེས་གསུངས་པ་ལྟར་ལགས་སོ། །
No comments:
Post a Comment